Mebbua Lawa Bale

Lolongeng-ka cara mebbua Lawa bale pole okko milis buginese, engka member posting-ngi cara-carana. Iyanaritu:

1. Bale mairo pura yallega-e bukunna riremme-i cukka gangka wettu 5 menne’
2. Wette rakkoi kaluku pura paru’e lettu macella-cella
3. Pecokengngi ladang sibawa pejje.
4. Yakko meloki wedding letambang bonte’, paru’i na reperraki ri balewe.
5. Campuru’i peco’ ladangnge, kaluku pura wettewe sibawa balewe.
6. Areangngi lemo kapasa’ sesuai selera.

Nappa engka-to pariasi resep pole-to ri salah seddi member buginese, iyanaritu:

1. Iyaro kalukue aja na ri wette. Ebbuwaki bara pole kaddaro-e, patamai ri kaluku pura paru’e na ri sampoi.
2. Garui tacciceng-ciceng bara’ ratai. Narekko macella-cellani na mawangi, alle’gani bara-e.
3. Malunrapi narekko ri sellei bonte’-e sibawa pao lolo.

 *engkapa gare’ yase’na lawa bale we, iyanirotu ri asengnge Pacco’. Cukkami, ladang na pejje’ na pake*

Mangurusu' Bola

Sesso tongengka' sa siurusu bapak (sibawai kasi' benena na 2e ana'na, padahal madenni mopi kasi' ana'na) melo-e uwelli bolana.

Pammulanna sijancika sirruntu' okko bank mandiri untuk paleppe'-i cicilang bolana. Mappamula tette' 10 ele lettu 11.30. Mettangngi seding mattajengnge naiyya urusangnge. Lo transfer-i jolo lao rekeningna iyaro bapak-e, nappa laoni naurusu okko petugas KPR na bank Mandiri. Purana na tandatangang siyare-are dokumeng, leyareanni iyaro bapak-e sertipika' asli, imb asli sibawa sure' roya. Nulle kapang yakko lancar manengngi iyaro proses-e, engkami kapang 20 menne' kaminang metta, tapi'na kenyataanna.. sijangnga sitengnga!

Nasaba' esso juma-i, tollaona jolo majjuma. Massing bawassa nyawaku mitai bene sibawa anana'na iyaro bapak tajengngi majjuma.

Soro juma tollao si jolo manre esso gangka kira-kira tette' dua. Nappa laoni okko notaris-e.

Okkoni'-e metta, lettu sitengngana 5!

Ternyata megatoha pale' hale'-hale' na yakko meloki jual-beli bola. Terutama iyaro paja'e, maseleng bawangnga sa' na taro, tenia sa pale' pato' angke'na. Selesai masalah paja', masalah dokumeng si. Awwe kasi'na, rompapa.. Ais, cau bawangnga sa caritai. Poko'na, yakko lancar maneng moi urusanna notaris-e, bansa-bansa araba pi nappaki mattandatangang akta jual beli. Jajipi AJB we nappa wedding yurusu' Balik Nama na. Bansa 2 minggu najaji kodeccau-i, nappai yaseng wappunnai pennoni iyaro bolae.

*musti jolo wurusu perbaikanna KTP-ku nasaba' salai uleng jajiang ku, awwe..*